Kepyakan Festival Seni Internasional 2016

Sleman, www.jogjatv.tv Pusat Pengembangan dan Pemberdayaan Pendidik dan Tenaga Kependidikan (P4TK) Seni dan Budaya Yogyakarta, nggelar Festival Seni Internasional (FSI) taun 2016. Lampahing festival dipun kepyakaken dening Menteri Pendidikan dan Kebudayaan,Muhadjir Effendy, dinten Senen (21/11) siyang.

Kepyakan festival dipun regengaken pagelaran tari, Colour Of Butterfly sarta tari garapan Didik Nini Thowok, Tettari , kanthi iringan live music gamelan.

Irah-irahan FSI 2016 samangke inggih Today Arts, Future Culture, ingkang mengku teges, seni ingkang cinipta salebeting kridha punika badhe dados kaskaya budaya ing tembe. Kridha ingkang dipun gelar kalih taun sepisan wiwit taun 2006 punika, mengku ancas kangge manunggalaken karya kreatif guru seni budaya kaliyan karya kreatif Seniman Indonesia lan ngamanca. Festival dipun gelar wiwit tanggal 21 ngantos 25 November 2016, mapan ing P4TK Seni dan Budaya Yogyakarta dene kridha ingkang badhe dipun gelar antawisipun, pentas karya seniman ngamanca, pentas karya guru seni budaya, lomba lan pameran lukisan guru tingkat nasional, seminar internasional, lomba batik, lomba foto lan bazar. ( Afirtha Diah Apsari + Jamalluddin )

Artikel Terkait

Warga Pertanyakan Status Tanah

22 November 2016 14:58

Sosialisasi Amnesti Pajak Untuk UMKM

22 November 2016 14:57

Layanan Ojek Pengantar Barang Bukti

22 November 2016 14:55

Demo Buruh Tuntut Kenaikan UMK 2017

22 November 2016 14:54